ژان پول سارتر

ویکی‌پدیا، آچیق بیلیک‌لیک‌دن



ژان پول سارتر
Jean-Paul Sartre FP.JPG
قیسا بیلگی نوبل اؤدولو قازانمیش یازیچی
دوْغوم تاریخ 21 ژون 1905-جی ایل
دوْغوم یئر پاریس (فرانسه)
اؤلوم تاریخ 15 آوریل 1980-جی ایل (74 یاشیندا)
اؤلوم یئر پاریس (فرانسه)


ژان-پوْل سارتر (فر. Jean-Paul Charles Aymard Sartre) ایگیرمی عصر فرانسهلی فیلسوْفو، يازیچی و دراماتورق، اگزیستانسیالیست ادبی-فلسفی جريانین يارادیجیلاریندان بیریدیر. 1964-جو ایلده نوبل ادبیات اؤدولونه لاییق گؤرونسه‌ده، اونو آلماقدان ایمتیناع ائتدی.

یاشاییشی[دَییشدیر]

ژان-پوْل شارل آيمارد سارتر دنیزچی-مۆهندیس ژان باتیست سارترین عاییله‌سی‌نین يئگانه اؤولادی کیمی دوْغولموشدو. آناسی آنن-ماری شويتسر مشهور آلمان هۇمانیستی، نوْبل اودولو آلبرت شويتسرین قارداشی قێزی ایدی. بیر ياشیندا آتاسینی ایتیرن ژان-پوْل آنا باباسی، پروْفسوْر-گرمانیست شارل شويتسرین حیمایه‌سینده بؤيوموشدو. نوه‌سی‌نین ایستعدادینی گؤرن شارل شويتسر اوْنو مکتبدن چێخارمیش، ائوده خۆصوصی مۆعللیملردن تحصیل آلماسی اۆچون شرایط ياراتمیشدی. 1917-جی ایلده آناسی يئنیدن اره گئدنده و اوْنو اؤز يانینا – فرانسه‌نین جنوبونا آپاراندا ژان-پوْل بۇندان عمللی-باشلی سارسینتی کئچیرمیشدی.

1920-جی ایلده پاریسه قايیتدیقدان سوْنرا دؤرد هنریش دبیریستانیندا تحصیلینی داوام ائتدیرمیشدی. ایلک شعرلری ده همین دؤورده مطبوعاتدا درج اوْلونموشدو. ژان-پوْل سارتر 1929-جۇ ایلده اکوْل نوْرمال سۆپريری بیرینجی درجه‌لی دیپلوْملا باشا وۇرموشدو. بۇ، دبیریستان و بیلیم یوردلاردا مۆعللیملیک حۆقوقو وئریردی.

حربی خیدمتدن سوْنرا اوْ، قاور دبیریستانیندا چالیشمیش، 1933-1934-جۆ ایللرده ایسه آلماندا، ائدموند قۇسسلر و مارتین هايدگر کیمی تانینمیش فیلسوْفلارین يانیندا تجروبه کئچمیشدی. 1937-جی ایلدن اعتباراً مۆعللیملیک فعالیتینی پاریسده داوام ائتدیرمه‌يه باشلامیشدی.

ایلک بدیعی اثرینی – "اۆرک بۇلانماسی" روْمانینی سارتر حیاتی‌نین قاور دؤورونده يازسا دا، يالنیز 1938-جی ایلده نشر ائتدیرمیشدی. عینی ایلده "نۇول ریويو فرانسز" درگیسینده "دیوار" نوْوللاسی چاپ اوْلونموشدو. هر ایکی اثر فرانسه‌ده اورتاق نظرله ایلین کیتابی نامزدی غالیبی آدینی قازانمیشدی.

قایناقلار[دَییشدیر]