جاینیزم

ویکی‌پدیادان، آچیق بیلیک‌لیک‌دن

جاینیزم — میلاددان اؤنجه ۶-جی عصرده هیندوستاندا یارانمیش اوْرتودوکس اوْلمایان بیر دیندیر. جاینیست‌لرین سایی ۳ میلیونا یاخین تخمین اوْلونور.

جاینیزم «غالیب» معناسیندا اوْلان «جینا» یوْخسا «بؤیوک قهرمان» معناسیندا اوْلان ماهاویرا لقبلی بیر شاهزاده اوْلان واردامانا جیناتانین قۇردوغو دینی بیر حرکتدیر. جاینیزمین دوکتوریناسی اساساً «تیرتانکارا» دئییلن کئچید ائدن، کئچید تاپان و یوْل گؤسترن اوْلاراق ماهاویرایا سیتاییشدیر. ماهاویرانین نیروانایا چاتماسی جاینیست تقویمی‌نین باشلانغیجی اوْلموشدور. بودیزم و جاینیزم آراسینداکی بنزرلیک‌لرین بیر سببی ده قوتاما بودا ایله ماهاویرانین عئینی دؤنمده یاشادیغی‌دیر. هر ایکی‌سی برهمن‌لره، اوْنلارین دین اۆصۇللارینا دۆشمن اوْلوب، «قاتی کاست» سیستمینه و قۇربانلارا قارشی‌دیرلار.[۱] آنجاق بۇدیزم ایله جاینیزم آراسیندا بؤیوک فرقلر ده تاپیلماقدادیر.


منابع[دَییشدیر]

  1. ^ Jainism, Columbia Encyclopedia