ابن خلدون
ابن خلدون[دَییشدیر]
این خلدون (عربجه بۆتون آدی: أبو زید عبد الرحمن بن محمد بن خلدون الحضرمی؛ د. ۲۷مئی۱۳۳۲، تونیس - اؤ. ۱۹ مارس۱۴۰۶، قاهیره) — چاغداش تاریخین، سوسیولوژینین و ایقتیصادیاتین اؤنجوللریندن بیری اولاراق قبول ائدیلن XIV-نجی عصر فیلوسوفو، دؤولت خادیمی و تاریخچیسی. نوفوذلو بیر عاییله نین اؤولادی اولدوغو اوچون گؤزل تحصیل آلمیش، تونیسده و مراکشده دؤولت وظیفه لرینده خیدمت ائتدیکدن سونرا قرانادا و میصیرده چالیشیب. شومالی آفریقانین او دؤنمکی غئیری-ثابیت و اینتریقالارلا دولو سیاسی قورولوشو اونون ۲ ایل حبسده یاتماسینا سبب اولموشدور. داها سونرا بدوی قبیله‌لرینی چوخ یاخشی تانیماسینا گؤره آختاریلان بیر دؤولت خادیمی و موشاویره چئوریلمیشدیر. دمشقی ایشغال ائدن امیر تئیمورلا اولان گؤروشمه‌سی تاریخه دوشموشدور.
سیاسی فعالیتدن چکیلدیکدن سونرا آدینی تاریخه یازان ۷ جیلدلیک دونیا تاریخی، کیتاب اول-ایبئر و اونون گیریش کیتابی اولاراق دوشوندویو مقدمه نی یازیب. اثری عرب دونیاسینا جیدی تأثیر گؤسترمه‌سه ده، عثمانلی تاریخ آنلاییشینا دریندن تأثیر گؤسترمیشدیر. بیر چوخ عثمانلی تاریخچیسی عثمانلی دؤولتینین یوکسه‌لیشینی و تنززولونو اونون نظریییه‌لری ایله اساسلاندیرمیشدیر. XIX-نجو عصرده ایبن خلدون آوروپا تاریخچیلری طرفیندن کشف ائدیلمیش و اونون فعالیتی یوکسک قییمتلندیریلمیشدیر.
