عائیله

ویکی‌پدیا، آچیق بیلیک‌لیک‌دن
پرش به ناوبری پرش به جستجو
عائیله

عایله (عائله، عاییله، عائبله) سؤزو، آرالاریندا قوهوملوق موناسیبتی اوْلان اینسانلار اوچون ایشلدیلیر.

عایله[دَییشدیر]

بیر عائله سوسیولوژیا (جامعه) باخیمیندان ائولنمک یا دا قوهوملوق خطی ایله گلن بیر حیات بیرلیگی‌دیر. عائله سؤزو، غربی میللتلرده اکثریتله آنا-آتا و اوشاقلار آنلاییشینی وئریر. شرق خالقلاریندا عایله داها چوْخ عینی ائوده یاشایان یا دا عینی نسیلدن گلن اینسانلارین جمعینه دئییلیر. بیولوژیده عائله سؤزو بیر بیرلرینه قوهوملوق درجه‌سی باخیمین‌دان بیر قروپدا بیرلشن حئیوانلار یا دا نباتات اوچون ایشلدیلیر.

سؤزون منشأی[دَییشدیر]

عائله سؤزونون اصلی عربجهدن گلن عائله سؤزون‌دن گلیر. بۇ سؤز عربجه‌ده دایانماق معناسیندا اوْلان عول کؤکون‌دن گئلیر. بیر بیرلرینه دایانان، اعتیماد ائدن اینسانلار اوچون ایشلدیلیر. عائله سؤزو مشترک خصوصیتلری اوْلان علمی، تئکنیکی و سوسیال قروپلار اوچون ده ایشلدیلیر. مثال اوچون بیر ایستحصالچینین بیر محصول خطین‌دکی محصوللارا او ایستحصالچینین محصول عایله‌سی ده دئییله بیلر.

عائله‌نین وظیفه‌لری[دَییشدیر]

عائله‌نین بیولوژیا و سوسیولوژیا علملری باره‌سینده چوْخ مهم وظیفه‌لری واردیر: «اینسان» نؤوعون اؤزونو یئنی‌دن حاصیل ائتمه‌سی اوچون عائله موسیسه‌سینه احتیاجینین اولماسی ایختیلافلی‌دیر. آنجاق بیر عائیله‌نین تشکول اولماسی اوچون بیولوژیا باخیمیندان قادینین محصولدارلیغی و کیشی‌نین دؤللنمه گوجونون اولماسی لازیمدیر. ائولی بیر قادین-کیشی جوتونون اوشاقلاری اولمایاندا اجنبی بیر اوشاغینی اؤولادلیغا گؤتورمه‌سی بونون ایستیثناسی‌دیر. عائله‌نین خصوصیتلری نئچه نسیللرین بیر یئرده یاشادیغینا گؤره ده فرقلنیر. اونا گؤره چوْخ نسیللی ائو حیاتی یا چوْخ نسیللی عایله‌دن سؤز گئدیر. اؤزونو یئنیدن حاصیل ائتمک، نسیللرین حیات وئره‌رک ساخلانماسی وظیفه‌سی اوچوندور. بۇ باره‌ده عائله‌نین باغلاری بیر جمعیتی‌نین ساخلانماسی و چوْخالماسی اوچون چوْخ مهمدور. مۆعاصیر جمعیتلرده عائله‌نین سیاسی، دینی، ایقتیصادی و تعلیم له علاقه‌لی وظیفه‌لر قیسمن باشقا ایجتیماعی موسیسه‌لره (دؤولت حاکمیتلری، سیغورتا موسیسه‌لری، تحصیل موسیسه‌لری، ایدمان جمعیتلری کیمی) آپاریلار و عائله‌نین گوندلیگینده اهمیتینی ایتیرر.

ترمینولوژیا[دَییشدیر]

اینسانلاردا گؤرولن مختلیف عائله شکیللری واردیر. بونلاردان آتانین سؤزونون کئچدیگی عائله‌لره آتاشاه عیله، آنانین سؤزونون کئچدیگی عائله‌لره ده آنا شاه عایله دئیی‌لر.[۱]

آیریجا باخ[دَییشدیر]

قایناق‌لار[دَییشدیر]


منابع[دَییشدیر]

  1. ویکی‌پدیا