اویدو، طبیعی قمر

ویکی‌پدیا، آچیق بیلیک‌لیک‌دن
Mars planetinin peyki Fobos və Demos

اویدو (پئیک)، بیر گزه‌گن‌ین (پلانئتین-سیاره‌نین) یا دا باشقا بیر پئیکین اطرافیندا موعه‌ییه‌ن بیر اوربیت‌ده (مداردا) دؤنن گؤی جیسیمی. صونعی پئیک‌لردن (قمر مصنوعی‌دن / ماهواره‌لردن) آییرماق مقصدی‌له طبیعی پئیک و یا طبیعی پئیک اولا‌راق دا آدلان‌دیری‌لار. دونیانین تک طبیعی پئیکی آی‌دیر. "آی" سؤزو، جینس آد اولا‌راق طبیعی پئیک معناسیندا دا ایستیفاده ائدی‌لر.

اویدولارین دونمه پرینسیپی

اصلینده بیر گؤی جیسیمی دیگری‌نین اطرافیندا دؤنمز. ایکی جیسیم اورتاق بیر مرکز اطرافیندا دؤنر. بو مرکز نوقطه‌سی کوتله‌سی داها چوخ اولان جیسیمه داها یاخین‌دیر. بو سبب‌دن کوتله‌سی آز اولان جیسیم داها چوخ یول گؤتورر. بو جیسیمه پئیک دئییلیر. آی-دونیا نومونه‌سینده آی و یئرین اطرافیندا دؤندوگو مرکز نقطه‌سی دونیانین مرکزینه چوخ یاخین اولدوغون‌دان سانکی یالنیز آی دونیانین اطرافیندا دؤنورموش کیمی گؤرونر.

اگر ایکی جیسیمین کوتله‌سی بیر-بیرینه یاخینسا بو وضعیت‌ده جیسیم‌لردن بیرینه پئیک دئمک یئرینه بو ایکی جیسیمه ایکی‌طرف‌لی سیستم دئییلیر.

گونش سیستمین‌دکی طبیعی پئیک‌لر

گونش سیستمی ایچینده بیلینن 240 پئیک واردیر. بون‌لارین 163-و پلانئت‌لره، [۱] 4-و بسته‌بوی پلانئت‌لره (سیارات كوتوله) و اون‌لاری‌دا کیچیک گؤی جیسیم‌لرینه (اینگیلیسجه: sssb, small solar system bodies) عاییددیر. دیگر اولدوز سیستم‌لری ده پئیک‌لره مالیک‌دیر.

بؤیوک قاز نهنگ‌لری (غول‌های گازی)، دونیانین اوربیتینده دؤنن آیین اؤلچولری‌له اؤلچوله بؤیوک‌لوک‌ده آلتی عدد آی دا داخیل اولماق اوزره گئنیش بیر طبیعی پئیک‌لر سیستمینه مالیک‌دیر. داخی‌لی پلانئت‌لر اولان مئرکوری (عطارد) و وئنوسون هئچ بیر آیی یوخ‌دور؛ دونیانین بیر بؤیوک آیی (آی) واردیر؛ و مارس (مریخ) ایکی کیچیک آیا مالیک‌دیر، پهوبوس و دئیموس. جوجه پلانئت‌لر ایچینده، جئرئسین (آستئروید قورشاغین‌داکی بیر چوخ اوبیئکتین آیی اولماسینا قارشی) هئچ‌بیر آیی یوخ‌دور، اریس‌ین بیر دنه، دیسنومیا و پلوتونون بیلینن اوچ پئیکی نیخ، هیدرا و ایری یولداشی جهارون واردیر. بیر اکیز پلانئت سیستمی‌نین خصوصیتی اولان کوتله مرکزی‌نین ایکی پلانئت آراسین‌داکی آچیق کوسموسدا اولدوغو پلوتون-جهارون سیستمی قئیری معمول بیر وضعیت‌دیر.

قایناق‌لار