دانوب چایی

دانوب چایی
Course of the Danube, marked in red
اؤلکه‌	آلمان
حوزه خصوصیاتلاری
منبعی	Brigach 940  48°06′24″N 08°16′51″E
چای آغیزی	دلتای دانوب 45°13′3″N 29°45′41″E
فیزیکی خصوصیاتلاری
اوزونلوقو	2860
بوشالما	Location: Passau

دونای یا دانوب چایی (آلمانجا: Donau، روم. Dunărea، ماج. Duna، سئرب. Дунав، سلوواک Dunaj، بولق. Дунав، خورو. Dunav، اوکر. Дунай، لات. Danubius, Danuvius، ق.یون. Ίστρος) — آوروپادا وولقادان سونرا ایکینجی ان اوزون چای. اۇزونلوغو۲۸۶۰ کیلومتر دیر. بۇ گۆن دانوب چاییندان ثانییه‌ده ۷۰۰۰ متر مکعب سۇ آخیر. و دلتای دانوبا تؤکولور.

دونای چایی آلمانییانین گونئیینده شوارتسوالد (Schwarzwald) بؤلگه‌سینده برئق و بریقاخ داغ چایلارینین 678 م یوکسکلیکده‌کی دوناوئشینگئنده (Donau-Eschingen) بیرلشمه‌سی ایله مئیدانا گلیر. دوناوئشینگئن قصبه سیندن باشلایاراق کیچیک بیر کانال سایه‌سینده بریقاخ چایینا تؤکولدویو نؤقطه‌دن اعتیباراً چای دونای آدلانماغا باشلاییر. 

دوناوئشینگئندن قارا دنیزه تؤکولدویو سولینا لیمانینا قدر اوزونلوغو 2779،0 کم-دیر. بونون 2415،0 کم-ای گمیچیلیک اۆچون یارارلیدیر. دونای چایی جوغرافی باخیمدان اوچ یئره بؤلونور: منبعییندن گئنو یاشاییش منطقه سینه قدر یوخاری دونای (988 کم)، گئنودن تورنو-سئوئرین شهرینه‌دهک اورتا دونای (860 کم)، بورادان منصبینه‌دهک آشاغی دونای (931 کم). منبعییندن دنیزه تؤکولدویو نؤقته‌یه قدر آلمانییا، آوسترییا، سلوواکییا، ماجاریستان، خورواتییا، سئربییا، بولقاریستان، رومینییا، مولدووا و اوکراینا داخیل اولماقلا جمعی 10 اؤلکه‌نین تورپاقلاریندان کئچیر. 

دونای چایی حؤوزه‌سینین ساحه‌سی 817 000 کم²، اوزونلوغو 1690 کم، ائنی ایسه 820 کم-دیر. بو هیدروقرافیک هؤوزه‌ده یئرلشن موختلیف اوزونلوقدا 120-یه قدر چای دونای چایینا تؤکولور. بونلار آراسیندا 500 کم-دن داها اوزون اولانلار اینن (505 کم)، دراوا (894 کم)، تیسزا (966 کم)، سووا (861 کم)، موراوا (563 کم)، اولت (542 کم)، سیرئت (726 کم) و پروت (950 کم) چایلاریدیر.

گالری

• 
  دونیا بوداپشت‌ده (گئجه چکیلمیش گؤرونتو)
• 
  دونای بوداپشت ده (گئجه چکیلمیش گؤرونتو)
• 
  دونای دان بوداپشت قالاسی
• 
  دونای ووآنادا
• 
  اولم شهرینده دونای
• 
  مجارستان ـ اسلوواکی سینیریندا.
• 
  دونای چایی براتی‌اسلاودا.

بیرده باخ

• چای
• دۆنیانین ان اۇزون چایلاری
• دۆنیانین ان بؤیوک حؤوضه‌لری

ائشیک باغلانتی‌لار

• دۆنیانین اساس چایلاری

قارداش پروژه‌لرده دانوب چایی گؤره داها آرتیق بیلگی‌لر تاپابیلرسینیز.

---

فایل‌لار ویکی‌آمباردا

قایناق‌لار

اینگیلیسجه ویکی‌پدیاسی‌نین ایشلدنلری طرفیندن یارانمیش«Danube»، مقاله‌سیندن گؤتورولوبدور. (۲۲ جولای ۲۰۱۷ تاریخینده یوْخلانیلیبدیر).

• لاتین آذربایجان ویکیسی.

گؤرونتولر

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•