رساملیق
رسّاملیق — تصویری اینجه صنعتین ان قدیم نؤعلریندن بیری. چَتین و یۇمشاق کتانا رنگلرین چکیلمه‌سی، رقم تکنولوژیسی و اؤزل تکنولوژیلارلا گئرچک کوْنو (موضوع ) و جانلییا اوْخشار بصری تصویرین یارادیلماسی.
رسّاملیقدا گئرچک عالمین حجمی، رنگی، مکان، اشیالارین مادی فوْرماسی، ایشیق و هاوا مۆحیطی و ... کیمی گؤزله قاورانیلان، حقیقی صورت‌ده مؤوجود اوْلان علامتلر جانلاندیریلیر. رسّاملیق صنعتی‌نین اساس علامتلری تصویرلیق، دۇیگوسال‌دیر. بۇ اثرلرین تصاویری ادّعا و مؤوزونون، طرح و کاراکترلرین وحدتینه اساس‌لانیر. بدیعی تصویرین بۇ اجزاءلری رسم، ترکیبی، رنگلندیرمه، ایشیق-کؤلگه، گؤرونوم، ریتم کیمی تصویر و ایفاده واسطه‌لری ایله کونکرئتلشدیریلیر.
رسّاملیق صنعتی بدیعی-گوزل خۆصوصیت لرین چوْخ جهت‌لی‌لییی ایله باغلی مۆختلیف نؤعلره بؤلونور:
- مونومنتال رسّاملیق؛
- تزیینی رسّاملیق؛
- تئاتر-دکوراتیو رسّام‌لیغی؛
- مینیاتور رسّاملیق؛
- دزگاه رسّام‌لیغی.
هر نؤعون اؤزونمخصوص تکنیکی ایفاده اۆصوللاری و ماده لری وار.
رساملیغین ان گئنیش یاییلمیش فوْرماسی دزگاه رسّام‌لیغی‌دیر. کتان و آغاج اۆزرینده یاغ‌لی بوْیالارلا چکیلن بئله اثرلر "مولبرت" آدلانان اؤزل دزگاه‌دا یارائدیلیر. اۆزرینده، اساساً، یاغ‌لی بوْیا ایله چکیلیر. یاغ‌لی بوْیا ایله یاناشی رسّاملیقدا تمپرا، پاستل، آکوارل، قواش تکنیکلاری دا اۇیقولاما ائدیلیر. مونومنتال رسّاملیق اثرلریندن فرقلی اوْلاراق، دزگاه رسّام‌لیغی اثرلری سربست‌دیر و ایسته نیلَن یئرده آسیلا بیلر.
مضمون اعتباری‌له رسّاملیق صنعتی بۇ ژانرلارا بؤلونور*
- تاریخی رسّاملیق؛
- میفولوژی رسّاملیق؛
- معیشت رسّام‌لیغی؛
- پورتره رسّام‌لیغی؛
- منظره رسّام‌لیغی؛
- ناتورمورت رسّام‌لیغی و ...
بیرده باخ
[دَییشدیر]قایناق
[دَییشدیر]- روسیه دؤولت شکیل قالریاسی.
- روسیه رسّاملیق آکادمیاسی Archived 2014-10-07 at the Wayback Machine.
- شبکه رسّاملیق موزه یی.