ایسکیزوفرنی
ایسکیزوفرنی (یونانجا: σχίζω — یارماق و φρήν - عقل، دوشونجه)— عقل، روح، خاصیت، حیسادت" اوخشار علامتلره مالیک بیر سیرا روحی خسته‌لیکلردیر.ایسکیزوفرنی سؤزونون معنی‌سی ایکی یونان سؤزو - «پارچالانما» و «فیکیر»ا دایانیر، چونکی شیزوفرن خسته‌لرین بئیینلرین‌ده و رئال‌لیق‌دا باش وئرهن حادثه‌لر آراسیندا پارچالانما واردیر. اینسانین دوشونجه، دویغو و داورانیشلاریندا، اؤزونون و اطرافین‌داکیلارا اهمیت‌لی درجه‌ده تأثیر ائد‌ن بعضی دییشیک‌لیکلره سبب اولان بیر خستهلیکدیر. بو دییشیک‌لیکلر کئچیجی یا دا قالیجی اولا بیلر. ایسکیزوفرنی ارثی خسته‌لیکلردن بیری‌دیر. شیزوفرن شخصلرده موختلیف شخصیت دییشکه‌ن‌لیگی موشاهیده ائدیلمیر: اونلارین ساده‌جه بیر شخصیتی واردیر. اینسانلاردا موختلیف شخصیت دییشکه‌ن‌لیگی اولان حال علاقه‌سیز شخصیت پوزغون‌لوغو آدلانیر. بیر شخصین ایسکیزوفرنیدن اذیت چکدیینی موعیینلشدیرن خصوصی تیببی تستلر یوخ‌دور، بئله‌لیکله دیاقنوز خسته‌ده اؤزونو گؤترن علامتلره اویغون اولاراق قویولور. بو همچینین خسته ایله صحبت ائد‌ن حکیم یاخود سایکولوژی دا آسیلی‌دیر. بو خسته‌لییه توتولان شخصلر عادتاً غئیری-نورمال سوسیال داورانیشلار گؤستریر و رئال‌لیغی تعیین ائتمک‌ده چتین‌لیک چکیرلر. پروبلملر شخصه دیاقنوز قویولمازدان اول ان آز ۶ آی داوام ائدیر.[۱] [۲] ایسکیزوفرنی - دوشونجه پروسسینده‌کی پروبلملر و ضعیف، دۇیغو جاوابلارلا کاراکتریزه اولونان عقلی خستهلیکدیر. عمومی علامت‌لر پارانوید، نیطقده عکس اولونان دوشونجه پوزغون‌لوغو و عقلی چاتیشمازلیغین دا داخیل اولدوغو یانیلمالاردیر. ایلکین سجیوی علامت‌لر گنج یاشلاردا اؤزونو گؤستریر. دیاقنوز موشاهیده اولونان داورانیشلارا و خسته‌نین شیکایت ائتدیی تجروبه‌لره اساس‌لانیر.
علامت‌لر[دَییشدیر]
عمومی علامت‌لر غریبه ایناملار، آنلاشیلماز یاخود دولاشیق دوشونجه و دیل، سسلر ائشیتمک، ضعیف ایجتیماعی فعالیت، حس‌لرین ضعیف ایفاده‌سی و سوستلوک داخیل‌دیر. علامت «معین زامان کسیین‌ده باش وئرن غئیری-موتشککیل نیطق» داخیل‌دیر. غئیری-موتشککیل نیطقین دقیق‌لیکله نه و هانسی درجه‌ده غئیری-موتشککیل اولماسی باره‌ده راضیلیغا گلمک چتین‌دیر. همچینین «معین زامان کسیی»نین نه دئمک اولدوغو باره‌ده ده راضیلیغا گلمک چتین‌دیر. نتیجه بودور کی، عادتاً ایکی حکیم یاخود روانشیناس دیاقنوز قویماغا چالیشارکهن راضیلیغا گله بیلمیر. بیری دئیه‌جک کی، شخص شیزوفرن‌دیر، دیگری ایسه اونون شیزوفرن اولمادیغینی ایدعا ائد‌جک.[۳][۴]
قایناقلار[دَییشدیر]
- ^ Schizophrenia (January 2016). آرشیولنیب اصلی نۆسخه‌دن on 25 November 2016. یوْخلانیلیب3 February 2016.
- ^ https://www.medicalnewstoday.com/articles/36942.php
- ^ http://www.mentalhealthamerica.net/conditions/schizophrenia#causes
- ^ https://www.psychiatry.org/patients-families/schizophrenia/what-is-schizophrenia