مارسل پروست
Marcel Proust | |
|---|---|
 مارسل پروست 1900.دا | |
| دوغوم | والنتين لویيس ژورژ اوژن مارسل پروست ۱۰ ژوئیهٔ ۱۸۷۱ |
| اؤلوم | ۱۸ نوْوامبر ۱۹۲۲ (۵۱ یاش) |
| پئشه | رومانچی، تنقیدچی، مقاله‌یازان |
آدلیم ایش | ایتیریلمیش زامانین آختاریشیندا |
| والیدین(لری) | آدرین آشیل پروست، ژان کلمنس ویل |
| ایمضاسی | |
 | |
والنتین لویی ژورژ اوژن مارسل پروست (فرانسه. Valentin Louis Georges Eugène Marcel Proust;؛ 10 ژوئیه 1871[۱][۲][۳]، پاریس، اوچونجو فرانسه جومهوریتی[۴] – 18 نووامبر 1922[۱][۲][۳][۵]، پاریس، اوچونجو فرانسه جومهوریتی[۵]) – فرانسه‌لی رومانچی، مقاله‌یازان و تنقیدچی. اونون ان مشهور اثری 1913-1927-جی ایللر آرالیغیندا یازدیغی، یئددی جیلددن عیبارت ایتیریلمیش زامانین آختاریشیندا (فرانسه. À la recherche du temps perdu) رومانی‌دیر. او، 20-جی عصرین ان نوفوذلو یازیچی و تنقیدچی‌لریندن بیری کیمی قبول ائدیلیر.[۶][۷]
یاشامی
[دَییشدیر]مارسل پروست 1871-جی ایلده، فرانسه-روسیه ساواشی‌نین "فرانکفورت " موقاویله‌سی اساسیندا رسماً بیتدیگی گون پاریسده دونیایا گلیر. آتاسی اصلا فرانسه‌لی اولوب، آناسی ایسه کوبار یهودی نسلیندن ایدی. آسم خسته‌لیگی اونو عؤمرونون سونونا قدر تاثیری آلتیندا ساخلاییر. 11 یاشلی پروست لیسئیه یازیلیر، لاکین تحصیلی ده خسته‌لیگی اوزوندن یاریمچیق قالیر. بونلارا باخمایاراق، پروست ادبیات باجاریغی ایله اؤنه چیخماغی باجاریر و تحصیلی‌نین سون ایلینده موکافات آلیر. آناسینا سون درجه باغلی اولان بو ضعیف اوغلان آنا قوزوسو گؤرونوشو ایله آتاسی‌نین عصب‌لرینه توخونور. آتاسی‌نین کاریئرا صاحیبی اولماسی ایستک‌لری سببی ایله پروست ایشله‌مگه باشلاییر. لاکین عؤمورلوک خسته‌لیگه محکوم آدی آلدیقدان سونرا بو ایشی ده بوراخیر. اصلینده، پروست چوخ تنبل و کیفایت قدر صبرلی اینسان اولوب. گونلرله اوتاغیندان باییرا چیخمایان یازیچی، آناسی‌نین وفاتیندان سونرا داخیلی موهاجیرته گئدیر. مارسل درین فلسفی دوشونجه‌لی اینسان ایدی. اونو ساغلیغیندا ادبیات دونیاسی‌‌نین یاریسی پارلاق بیر یازار، دیگری ایسه درک ائدیلمه‌یه‌جک قدر درین یازیچی حساب ائدیردی. پروست اوروپادا ان چوخ سیتات گتیریلن رومانچی‌دیر. چوخ فرقلی بیر حیات طرزی یاشایان پروست گوندوزلر یاتار، گئجه‌لر ایسه رومان‌لارینی تامام‌لایاردی. بعضاً هر هانسی‌سا بیر اثرینه گؤره آیلارلا ائودن باییرا چیخمازمیش. اونون الیازماسی فرانسه دیلینده یازیلمیش "ایتیریلمیش زامانین آختاریشیندا" آدلی 7 جیلددن عیبارت رومانی پروستون اؤلومونه قدر اؤزو طرفیندن فاصیله‌سیز اولاراق دَییشدیریلیب. 4800 صحیفه‌لیک بو رومانی اوخوماق، حقیقتاً ده، صبر طلب ائدیر. اونا گؤره ده، بریتانیالی‌لارین اوخومادیقلارینی اعتیراف ائتمگه اوتاندیقلاری کیتاب‌لار آراسیندا "ایتیریلمیش زامانین آختاریشیندا" کیتابی دا وار. 1900-1905-جی ایللرده عاییله‌سی و بوتون حیاتی دییشدی. 1903-جو ایلین فوریه آییندا پروستون بؤیوک قارداشی روبرت ائولندی. همین ایلین نووامبر آییندا آتاسی اؤلدو. آما بونونلا بیتمه‌دی. 1905-جی ایلین سپتامبر آییندا آناسی دا اؤلدو. آناسی اؤلوموندن اؤنجه اونا میراث قویموشدو. (6 میلیون دولار و آیلیق 15.000 دولارلیق ثابیت گلیر.) آنجاق پروست بو ایللرده خسته‌لیگی سببیندن جیدی شکیلده ضعیف‌له میشدی.
اؤلومو
[دَییشدیر]
پروست سون اوچ ایلی‌نین دئمک اولار کی هر گونونو یاتاق اوتاغیندا کئچیردی. گوندوزلر یاتار، گئجه‌لر رومانینی تامام‌لاماق اوچون چالیشیردی.1922-جی ایلده پلومانیا خسته‌لیگی توتان بو تنها اینسان ائله عنعنه‌سینه صادیق شکیلده - ائوده تک یازی یازارکن دونیاسینی دَییشیب.
ایتیریلمیش زامانین آختاریشیندا
[دَییشدیر]- سوان‌لارین طرفی.(1913)
- چیچک آچمیش گنج قیزلارین کؤلگه‌سینده. (1919)
- گوئرمانتس طرفی.(1920-1921)
- سودوم و گومورا.(1921-1922)
- محبوس. (1923)
- ایتکین آلبرتینه.(1927)
- یاخالانان زامان. (1927)
اتک‌یازی‌لار
[دَییشدیر]قایناقلار
[دَییشدیر]- ^ ۱٫۰ ۱٫۱ Bibliothèque nationale de France BnF identifikatoru (fr.): açıq məlumat platforması. 2011.
- ^ ۲٫۰ ۲٫۱ Valentin Louis Georges Eugène M Proust (fr.). ministère de la Culture.
- ^ ۳٫۰ ۳٫۱ Marcel Proust // RKDartists.
- ^ Пруст Марсель // Большая советская энциклопедия (rus.): [в 30 т.]. / под ред. А. М. Прохорова 3-е изд. Москва: Советская энциклопедия, 1969.
- ^ ۵٫۰ ۵٫۱ Le Figaro, Figaro (fr.). / A. Brézet Paris: Société du Figaro, 1922. P. 1. ISSN0182-5852; 2496-8994
- ^ Harold Bloom, Genius, pp. 191–225.
- ^ "Marcel Proust". New York Times. İstifadə tarixi: 13 October 2016.