جبران خلیل جبران

ویکی‌پدیا، آچیق بیلیک‌لیک‌دن
جبران خلیل جبران
Khalil Gibran.jpg
خلیل جبران، آپریل ۱۹۳۱
دؤغوم‌تاریخی Jubran Khalil Jubran
۶ ژانویه ۱۸۸۳(1883-01-06)
Bsharri, Mount Lebanon Mutasarrifate, Ottoman Syria
اؤلوم‌تاریخی ۱۰ آوریل ۱۹۳۱ میلادی (۴۸ یاش)
نیویورک, United States
ایش Poet, painter, writer, philosopher, theologian, visual artist
میللیت Lebanese and American
ژانر Poetry, parable, short story
Literary movement Mahjar
دیئرلی‌ایشلری The Prophet, Broken Wings

جبران خلیل جبران (۱۸۸۳-۱۹۳۱) یازیچی، رسام، شاعیر، چاغداش عرب ادبیاتی تانینمیش شخصیتلریندن.

خلیل جبران

یاشامی[دَییشدیر]

جبران خلیل جبران، ۱۸۸۳ میلادی ایلده لوبنانین "بشرای" شهرینده دونیایا گؤز آچدی. آناسی "کامیله رحمه" اریندن آیریلدیقدان سوْنرا ۱۸۹۵-جی ایلده جبران‌ین ۱۲یاشی وارکن اوشاقلاریلا بیرگه آمریکا بیرلشمیش اوستانلرینین بوْستوْن شهرینه کؤچ ائتدی. آنجاق جبران اوْن‌دوْققوزونجو یوز ایللیین سوْن‌لاریندا، بوْستوْن و عاییله‌سینی ترک ائدیب بئیروتا سفر ائدیری. اوْردا "مدرسه الحکمه"-یه گئدیب، عربلر دیلی و ادبیاتی‌نین یانی‌سیرا طیب بیلیمی، اولوسلار آراسی حقوق بیلیمی، موسیقی و دینلر تاریخی‌نی ده اؤیرنمه‌یه باشلادی. ۱۵یاشیندایکن "فلسفی الحقیقه" درگی‌سی‌نین باش یازاری سئچیلدی.

جبرانین ایلک قوْشوق‌لاری اوْن‌آلتی یاشیندا "جبل" درگیسینده چاپ اوْلان چاغلارا قاییدیر. اوْنون قوْشماق و یازماقدان باشقا رسسام‌لیق یئته‌نه‌یی ده وار ایدی. چوخ چالیشقان ائیله‌جه یئته‌نک‌لی اوْلدوغوندان دوْلایی اوْن‌یئددی یاشیندا ابوعلی‌سینا، ابن خلدون و... بونلار کیمی آدلیم‌لارین طرح‌لرینی چکدیکدن سوْنرا، اوْن‌سکگیز یاشیندا رسسام‌لیق هونری‌نی گلیشدیرمک اوچون فیرانسانین پاریس شهرینده "رُدن" آدلی اوستادین محضیریندن اؤیرنمک اوچون، اوْرایا گئتمه‌لی اوْلور. ایکی ایل اوْردا قالدیغی چاغدا "عوصیانکار روح‌لار" آدلی کیتابی‌نی، اینسانا اوْلان ظولمو آچیقلاماسی ایچ قاتی ایلا یازیب بیروت‌دا چاپ ائتدیردییی اوچون کئلیسانین و عثمانلی دؤولتینین حیرصلنمه‌سینه معروض قالیری. بو اوزدن کیتاب کئلیسانین آراجی ایله اوْدا چکیلیب، سوْنرا آنایوردو، بیروتا قاییتماسینا دا قاداغا قوْیولور. ایل‌لر سوْنرا جبران، "ساوچی" آدلی کیتابی‌نی عربجه‌ده یازدیغی زامانلا بیرگه، عثمانلی دؤولتی اوْنون سورگون حؤکمونو آرادان قالدیریر. آنجاق اوْ زامان خرچنگ آلیزلیغی (مرض سرطان) ایلا ووروشماقدا اوْلان آناسی، گنج باجیسی و قارداشی خسته‌لیک‌دن دوْلایی دونیالارین ده‌ییشدیک‌لری اوچون جبران یئنی‌دن آمئریکایا دؤنمک مجبورییتینده قالیر. جبران بیرچوْخ آدلیم یازارلارلا ایلگیده اوْلدوغو اوچون اوْنلاردان اؤزل ائتگی‌لر آلماقدایدی. 1912 میلادی ایلیندهسوریهلی-لبنانلی سورگونده اوْلان یازارلارلا بیرگه، "قلم توپلومو" آدلی درنه‌یین تمل داشینی قوْیور.

اؤلوم[دَییشدیر]

جبران خلیل جبران اؤز چاغی‌نین عرب ادبیاتی‌نین آوانگارد یازاری، 48 یاشیندایکن خسته‌لیک‌دن دوْلایی نیویورکون سنت ویسئنت خسته‌خاناسیندا دونیاسینی ده‌ییشیب، سوْنوندا دوْغولدولو یئر، "البشرای"-دا توْرپاغا تاپشیریلدی.

قایناغ[دَییشدیر]

[۱]* http://www.britannica.com/EBchecked/topic/233270/Khalil-Gibran


  1. http://www.britannica.com/EBchecked/topic/233270/Khalil-Gibran