فلز

ویکی‌پدیا، آچیق بیلیک‌لیک‌دن
پرش به ناوبری پرش به جستجو

فلز لاتینجه: metallum، " شاختا " دئمکدیر) — دمانین آرتماسی ایله آزالان الکتیریک کئچیریجیلیگینه ، ایستیلیک کئچیریجیلیگینه ، دفورمه اوْلونا بیلمه و متالیک پاریلتی کیمی خاصه‌لری اؤزونده عکس ائتدیرن تمیز ماده‌لره دئییلیر.


فلزلرین عۆمومی خصوصیّتی[دَییشدیر]

معلوم اوْلان ۱۱۸ شیمیایی المنتلرین ۹۰-دان چوْخو فلزدیر. فلزسیز یئر کۆره‌سینی تصوّر ائتمک ممکن دئییل. بئله کی، یئر کۆره‌سینین نۆوه‌سی، اساساً، فلز و نیکلدن، مانتیاسی آلومینیومون بیرلشمه‌لریندن، لیتوسفری (یئر قابیغی) ده بیر چوْخ فلز بیرلشمه‌لریندن عیبارتدیر.


فلزلارین فیزیکی خاصه‌لری[دَییشدیر]

فلزلارین اساس عۆمومی فیزیکی خاصه‌لری آشاغیداکیلاردی:

  • فلز پاریلتیسی (درخشندگی)
  • یۆکسک ایستیلیک و الکتیریک کئیریجیلیگی;
  • پلاستیکلیک (شکل پذیری)

فلزلرین پلاستیکلیگی[دَییشدیر]

فلزلارین پلاستیکلیگی — اوْنلارین خاریجی قوه‌نین تأثیر ایله داغیلمادان اؤز فوْرماسینی دَییشمک قابیلییتیدیر.

فلز پاریلتیسی[دَییشدیر]

فلز پاریلتیسی فلزین سربست الکترونلارینین ایشیق شۆالارینی گۆجلو عکس ائتدیرمه‌سی ایله علاقه دار. جیوه و گوموش اَن یۆکسک پاریلتییا مالیک فلزلردیر.

فلزلرین یۆکسک ایستیلیک و الکتیریک کئچیریجیلیگی[دَییشدیر]

فلزلرین یۆکسک ایستیلیک و الکتیریک کئیریجیلیگی اوْنلارین کریستال قفه‌سینده سربست الکترونلارین یئردییشمه‌سی ایله علاقه‌دار دیر.

فلزلر عۆمومی فیزیکی خاصه‌لرله یاناشی، بعضی فرقلی خاصه‌لره ده مالیکدیر; مثلاً، اوْنلار سیخلیغینا، برکلیگینه ، اَریمه تِمپراتورونا گؤره بیر-بیریندن چوخ درجه‌ده فرقلنیر.



طبیعتده تاپیلماسی[دَییشدیر]

فلزلر شیمیایی المنتلر تابلوسو دؤورو سیستئمینده بور ایله پولونیوم آراسیندا یئرلشن شیمیایی عناصری احاطه ائدیر. بۇنونلا شیمیایی المنتلرین ۸۰ %-ی فلز عددلیر. یاریم‌متاللارا و غیری- فلزلر کئچید تدریجاً باش وئریر. اَن گئنیش یاییلمیش فلز کیمی آلومینیومو گؤسترمک اوْلار.

فلزلارا طبیعتده فیلیز و بیرلشمه‌لر شکلینده راست گلینیر. اوْنلار اوْکسید، سولفید، کربونات و باشقا شیمیایی بیرلشمه‌لری عمله گتیریرلر.تمیز فلز اَلده ائتمک اۆچون اوْنلاری فیلیزین ترکیبیندن چیخارتماق لازیمدیر.

قایناقلار[دَییشدیر]