حافظ شیرازی
| حافظ | |
|---|---|
 حافظدن بیر رسم | |
| معنوی شاعیر و عاریف | |
| دوْغوم | ۱۳۱۵ میلادی شیراز، فارس اوستانی |
| اؤلوم | ۱۳۹۰ میلادی شیراز، فارس اوستانی |
| آنا معبد | حافظیه، شیراز، ایران |
| Influences | ابن عربی، خواجوی کرمانی، منصور الحلاج، سنایی، انوری، گنجهلی نیظامی، سعدی، خاقانی، عطار نیشابوری |
| Influenced | سونراکی فارسیجا شعر یازان شاعیرلر، یوهان ولفقانق فون قؤته |
Tradition or genre | عرفان شعر (غزل، عرفان) |
| اؤنملی ایشلر | حافظ دیوانی |
حافظ شیرازی فارسجا: خواجه شمس الدین محمد بن بهاءالدّین محمد شیرازی اوندؤردونجو عصر ایران شاعیری و صوفیسی. یازدیغی غزللر دۆشونجه و محبّتین مدحینه گؤره شرق ادبیاتینین ان گؤزل اینجه لریندن ساییلیر. حافظ شعرلرینده حتی چاغداش سوررئالیزمین المنتلرینه ده راست گلمک اوْلار.
یاشاییشی
[دَییشدیر]
حافیظین شخصی حیاتی حاقیندا چوْخ آز معلومات وار. معلومدور کی، شاعر ۱۳۱۰-۱۳۳۷-جی ایللر آراسیندا شیراز شهرینده کؤمورچو تاجیر عائلهسینده آنادان اوْلوب. آتاسیز بؤیوین حافظین شاعرلیک ایستعدادی اؤزونو چوْخ ارکن یاشلاریندا بیروزه وئریب و اوْ، شعرلرینه گؤره خالق آراسیندا حؤرمت قازاناراق امیر سارایینین شاعری تعیین ائدیلیب. لاکین یازدیغی شعرلره گؤره دیندارلار طرفیندن تضییقلره معروض قالان شاعر اوّلجه ایصفاهانا، سوْنرا ایسه یزده قاچماغا مجبور اوْلوب. بیر نئچه ایلدن سوْنرا حافظ شیرازا قاییدیب و یارادیجیلغینا داوام ادیب.
حافظ شعرلرینده درین و آبستراکت فلسفی فیکیرلر ایفاده ائدیر. شاعر دۆنیانی تئز-تئز "ویرانه" بیر یئره بنزهدیر، اینسان حیاتینی خیالی و آلدادیجی بیر دؤور ساییر. اوْندان بیر عصر اوّل یاشامیش سعدی شیرازیدن فرقلی اوْلاراق، حافیظ شعرلرینی بیر مجموعه – دیوانا توپلامامیشدیر. بۇنا گؤره ده حافظین یازدیغی غزللرین دقیق سایی معلوم دییل (اوْنلارین سایینین ۵۷۳-۹۹۴ آراسیندا اوْلماسی احتیمال ائدیلیر).
دربار شاعیری
[دَییشدیر]ابو سید باهادور خان اؤلومونه اؤلکه بؤلوندو و ابواسحاق اینجو شیراز شهرینده ائلخانیلر حاکیمی اولدو. اینجو ادبیات و یازی و بیلگی ایشلرین شیرازدا حمایت ائتدی و بو اساسدا حافیظ کیمی شاعیرلر و چوخلو یازیچیلار و عالیملر اونون درباریندا موحترم ساییلدی.
مظفریلر سولالهسی آل اینجو سولالهسین مغلوب ائتدی و مبارزالدین حاکیم اولدو بو حالدا حافیظ و عبید زاکانی کیمی ادبیاتچیلار احترامین الدن وئردی و چتینلیقدا قالدیلار.سون ایللر شاهشجاع آتاسین مغلوب ائدیب و تخت اوسته چیخدی و اونون چاغیندا شاعیرلر و بیلیم اینسانلاری موحترم ساییلدی و یئنی دن حافظ شعرلرین دربار اوچون یازدی.
حافیظ شعرلری شهریار کیمی شاعیرلره چوخ اثرلی و اونملی اولوب و ایران ادبیاتین یوخاری آپاریب.