شکر یارپاغی

ویکی‌پدیا، آچیق بیلیک‌لیک‌دن
شکر یارپاغی
شکر یارپاغی، Stevia
طبقه‌بندی علمی
سرده: Stevia
گنچ بیر ایستئوییا رئباودیانا(Stevia rebaudiana) اوتو.

ایستئویا (اینگیلیس جه: Stevia) پاراگوئه و برزیل ده یوز ایللردن بری ایشلدیلن (قوللانیلان) بیر اوت دور. بو اوتون شیرینلشدیریجی و درمان ائدیجی اؤزللیکلری واردیر. بو اوتون یئتیشدیرمه سی اوچون ۱۵-۲۸ سانتی قراد درجه ده ایستیلیگ و ۸۰٪ رطوبت گرکیر. بو بیتگی (اوت) ۱۸۰۰-نجی ایلده اوروپایا گتیریلیب دیر، آنجاق اکیلمه ییب دیر. ایکینجی دونیا ساواشیندا، شکر اینگیلیس دولتی طرفیندن یاساقلاندیق دان سونرا، اکیلمه گه باشلانیب دیر. ژاپن دا دا ۳۰ ایل دیر کی شیرینلشدیریجی و دادلاندیریجی اولاراق میلیونلارجا آدامین طرفیندن قوللانیلیر(ایشلدیلیر). بو اوت شکر خسته لیکلرینه ائتکی سی(تاثیری) واردیر.

بو بیتگی بدنه لازیم اولان یاغلارین ۱۲٪ - ۱۶٪ قارشیلییر و ایچه ریر. بو بیتگی ده اولان «دی ترپن گلیکوزاید انت کائورن» ماده سی اونون شیرینلیغینه سبب اولور. بو ماده سودا قاریشاندیر و معمولی شکر دن(سوکروز) ۳۰۰ قات داها دادلی و شیرین دیر. بو بیتگی بیر چوخ معندی ماده و پروتئینی ده ایچه ریر. بو ماده لر دن فیبر، کربوهیدرات، فسفر، دمیر، کلسیم، پتاسیم، سدیم، منیزیم، روی، ویتامین A وC نی سایا بیلیریک.

قوللانیم آلان لاری(مصرف زمینه لری)[دَییشدیر]

ایستئوییول(Steviol) اکتیو ماده سی

رژیمی(کالری سی صیفر دی)، شکر نوخوشلوغو، یوکسک فیشار، یوبوست، دئپرئسیون و افسرده لیک و اعصاب نوخوشلوق لارینا قارشی چوخ اولوملو(Olumlu) و موثبت ائتکیسی(تاثیری) واردیر. بو شیرین ماده شیمیایی آنالیز گئچیرمه دن هضم(سیندیریم) اولماسی ندنی ایله قند و شکر نوخوشلارینا چوخ فایدالی اولا بولر. معده و باغیرساق فلورونو و اسیدلیک میزانی نی قورویور. بیر چوخ آراشدیرمادا بو اوتون چوخ ایشلتمه سی نین ارکک لرده(کیشیلرده) اسپرمین گئد گئده آزالماسینا سبب اولدوغو گورسه دیلیب دیر. بو ندنله کانادا و آمئریکادا بیر زامانلار یاساقلانیب دیر. آنجاق ایللرجه ژاپن دا قوللانیلیب و قوللانانلارین اوستونده هئچ بیر ائتگی سی اولمویوب دور. بیر چوخ گونئی آمئریکا اولکه لرینده ده نئچه ایللردیر قوللانیلیر. سون اولاراق کانادا و آمئریکا دا بو اوتون یاساقینی قالدیردیلار و قوللانیمی نی سربست و آزاد بؽراخیبلار. بو اوت تورکیه ده ایلک اولاراق ۲۰۰۹-نجی ایلده آنتالیا دا اکیلمه گه باشلانمیش دیر.[۱][۲][۳]

قایناق[دَییشدیر]

  1. "Safety.lovetoknow " internet sitesi
  2. herbs.love to know.com internet sitesi
  3. Bkz.Dr.Mehmet Öz "Siz Diyettesiniz" kitabı