موحافیظه‌کارلیق
| مقاله‌لر سری‌سیندن |
| موحافیظه‌کارلیق |
|---|
 |
موحافیظه‌کارلیق اینگیلیسجه: Conservatism فارسجا: محافظه‌کاری ، سنتی-اجتماعی عامل لرین مۆحافیظه ائدیلمه سینی دستک له ین سیاسی و اجتماعی فلسفه دیر. داها بلیرگین ( معین ) بیر آنلام‌دا ایلگی‌لی توپلومون ایچینده اولان زمانه نین گرکلرینی گؤز آردی ائتمک سیزین، گئچمیشدن گلن تاریخی، فرهنگی و مدنی سنت لرینی حذف ائتمه دن، قیساجا اؤز دینامیک لرینین دئییشمه سینه قارشی دیرنج ( مقاومت ) گؤسته رن، اجتماعی-فرهنگی دیرلرین قورونماسینی ساوونان ( مۆدافیعه ائدن ) سیاسی بیر گؤروشدور. آیری عبارت ده دئسک مۆحافیظه کارلیق ، خانواده ، مذهب و .... آیری اجتماعی نهادلاری ساخلاماق و اونلاری مدرن ارزش لر ایله هماهنگ ائتمکدیر ، فلسفی معنادا یاناشاندا جمعیت‌ده وار اولان غالیب لشمیش دیرلرین یئنی‌لنمه‌دن داوام ائتمه‌سینی ایستیه ییر. بورا دینی ده قاتا بیله ریک، سیاسی قورولوشو دا، یئمک یئمه شکلینی ده. مۆدافیعه اولونان دیرلر اساساً تابولاردان سئچیلیر.
عۆمومی معلومات
[دَییشدیر]بۇ سیستم آرتیق لیبرالیسمین توسعه ائتمیش مرحله‌سی‌دیر. سرمایه صاحیبلری‌نین جمعیت‌ده اؤ‌نملی بیر یئری واردیر و بۇ سیستمی داوام ائتدیرنلر اساساً بۇ آداملاردیر. بۇ دۇروم قبول ائدیلیر و چَتین بیر شکیل‌ده مۆدافیه اوْلونور. بۇ دَیَرلره باغلی‌لیق گؤستریلیر. زنگی‌نین داها دا زنگین اوْلماسی اساس‌دیر. کاسیبین داها دا کاسیب اوْلماسی ایستنمیر، آنجاق بۇنون قارشی‌سینی آلاجاق بیر مکانیزم ده یوْخدور. فلسفی معنادا یاناشاندا جمعیت‌ده وار اوْلان قلیبلشمیش دَیَرلرین یئنی‌لنمه‌دن داوام ائتمه‌سینی ایستییر. بورا دینی ده قاتا بیلریک، سیاسی قۇرولوشو دا، یئمک یمه شکلینی ده. مۆدافیه اوْلونان دَیَرلر اساساً تابولاردان سئچیلیر و کۆتله بئله توْپ‌لانیر.
کیمسه‌لر
[دَییشدیر]
مۆحافیظه کارلیغی سیستئم‌لی بیر دوشونجه اولاراق ایلک ساوونان کیشی، اینگیلیس فیلسوف ائدموند بئرک اولموشدور. بئرک، فرانسه انقلابی زامانین‌دا یاشامیش، انقلابا مخالف بیر متفکر ( دوشونور ) دی . او سیرادا اینگلیس دوولت آداملاری آراسین‌دا فرانسه انقلابی'نین اینگلیسه یاییلاجاغی قورخوسو واریدی . بئرک ، انقلابی مجادله یه قارشی سیستئم‌لی بیر ایدئولوژی اولوشدوراراق ، فیکیری آلان‌دا فرانسه انقلابی'نا قارشی بیر موجادله باشلاتدی.
مۆحافیظه کارلیق اینگلیس و آمریکا کیمی صنعتی لشمیش دموکراتیک جامعه لرده یاییلدیغی کیمی، عثمانلی ایمپراتورلوغو، چین ایمپراتورلوغو و قاجار امپراتورلوغو کیمی سنتی اؤلکه لرده ده سیاسی ایقتیدارلارا اثر قویدو.
بوگون ده اینگیلیسین مۆحافیظه کار پارتی سی و آمریکانین جمهوریت چی پارتی لرینی مۆحافیظه کار حساب ائتمک اولار.
بوگون ایران دا سیاسی طیف لر ایچینده ، فعلی جمهوری اسلامی و ولایت فقیه رژیمینی ساوونان سیاسی جناحا مۆحافیظه کار دئییلیر.
.jpg)
